Van loug en laand (8)

Doede Bruinsma's jeugdherinneringen

Winteroavend.

In winter bint oavends laank. Tegenwoordig hebt luu televisie. Moar zesteg joar leden was dat d'r nog nait.
D'r waren zölfs moar n poar hoeshollens mit radio. Ik geleuf allenneg wie en Aaike Veldhoes. O joa, bie Raaint Nijboer haren ze d'r ook n zetje aine.
Wat deden luu dan zon lange oavend? Proaten, lezen, braaien, knutselen. En mekoar roadsels opgeven.
Ik wait d'r nog n poar. Oplözzens stoan op n aandere bladziede.

Ik gooi t wit op dak en t komt geel weeromme. Wat is dat?
De koning van Egypte, dei haar n ding dat wipte tussen zien bainen en onner zien gat. Roa, roa, wat is dat?
Wel gaait aal doagen om t hoes en loat gain voutstap achter?
Woar binnen haansken t waarmst?
Woarom kiekt hoaze achterom as hom n hond achternoa zit?
Woar zit mainste vis?
Wat braandt dag en nacht en is nooit opbraand?
Ik gooi n ding zwaart in pudde en t komt 'dr rood weer uut. Wat is dat?
Houveel aaier ken ie nöchter eten?
Doags staait te pronken. Nachts vol knorren en bonken.
Woarum wupt n muske en löp n kraai?

Oplözzens