Van loug en laand (21)
Doede Bruinsma's jeugdherinneringen
Melk.
Melk van koien wör mit peerd en woagen noar melkfebriek in Laude brocht.
D'r waren in dij tied nog gain koultanks zoas tegenswoordeg, moar boeren deden melk in buzzen van vertind iezer.
Dizze buzzen wörren 's mörns vroug aan kaante van weg zet. Dan kwam Albert van Hoorn mit peerd en woagen ze ophoalen. Mit ain zwaai van aarm loadde hai melkbuzzen op en of.
Peerd en woagen gongen moar voutstaps veuroet. Doarom was e eerst tegen middag in Laude op melkfebriek. Doar goot e buzzen leeg en noamiddags was e weerom op Haarpel.
Dat was 's winters as t kold was nait zon best waark. Melk bevroor sikkom in buzzen. En bie zummerdag as t glinneg hait was, kwam melk sikkom kookt in Laude aan.
D'r is ook n zet melk noar melkfebriek in Blijham goan. Zeker omreden boeren doar meer geld veur heur melk kregen.
Copyright © 2002 Doede Bruinsma (doedeb@aol.nl)
Op-/aanmaarkens, aanvullens heb ik geern.
| Ol Graitje | Knoal | Dörsmesien | Kerdiet | Speulen | School | Dezembermoand |
| Winteroavend | Zwien | Poasken | Haarpel, niks in de reken | Bimbam | Noamen |
| Krisistied | Eerappelkraben | Masjesees | Scheuveln | Middenstand (I) | Middenstand (II) |
| Toene | Melk | Moderne techniek | Wild | Verkeer |